КСС на протест побара покачување на платите и исплата на К-15 во јавниот сектор

Од:

Усогласување на платите во јавниот сектор согласно со покачувањето на минималната плата и исплата на К-15 во јавниот сектор, бара Конфедерацијата на слободни синдикати (КСС). Своите барања синдикалците ги изнесоа попладнево на протестен марш во Скопје, кој почна пред Собранието и заврши пред Владата.

Претседателот на КСС, Благоја Ралповски посочи дека тие се и против секаков трансфер на вработени од јавниот во приватниот сектор.

– Бараме усогласување на платите во јавниот сектор со покачувањето на минималната плата кое во моментот е 25 проценти. Бараме и исплата на К-15 во јавниот сектор бидејќи сме дискриминирани, а не се согласуваме и со трансферот на вработените од јавниот во приватниот сектор, изјави Ралповски.

Тој посочи дека вчера биле повикани од службите во Владата, но иако барале, не оствариле средба со премиерот и министрите.

Претседателот на СОНК, Јаким Неделковски рече дека се приклучуваат на протестот на КСС и на барањата за зголемување на платата за 25 проценти во образованието.

Неделковски нагласи дека ова е последен предупредувачки протест пред генерален штрајк во дејностите на СОНК и во сите дејности на КСС.

Би можело да ве интересира

Протест на лекарите специјализанти, во тек состанок со претставници на Министерството за здравство

Граѓаните бараат извршителите да ги почитуваат законските измени со кои долговите застаруваат

Џафери: Закажани се избори, не може да се потпишат колективни договори, протестите на универзитетите се за дневни политики

Бугарија: Земјоделците организираа протест пред зградата на Владата барајќи оставка од ресорниот министер

Грчките земјоделци со симболични блокади на граничните премини „Ники“ и „Евзони“ со Македонија

Мирен протест на Србите од Косово