Во втората крводарителска акција која вчера се организираше во Полициската станица Гостивар, беа собрани 30 единици крв, информираат од СВР Тетово.
Вработените во ПС Гостивар, годинава по втор пат имаа можност да даруваат крв ја и да стигнат до вкупна бројка од 73 единици и ја потврдија нивната несебичност и хуманост, истакна Марјан Јосифоски портпарол на СВР Тетово.
Посочи дека и оваа акција во целост ги исполнила очекувања на организаторите од гостиварскиот Црвен крст, кои, како што рече, не го криеле нивното задоволство од остварените резултати, односно собраните единици.
– Посебни пофалби заслужи полицискиот службеник Трајан Гечевски со рекордни над 70 крводарувања досега, кој наскоро заминува во заслужена пензија, рече Јосифоски
Минатата година, во повеќе акции, бројот на собраните единици крв во Полициската станица Гостивар изнесувал над 130, што е оценото како респектибилна бројка.