Во рамките на прославувањето на светскиот ден на крводарителите, 17 март ,Црвениот крст од Битола во соработка со трансфузиологија - Битола организираа голема крводарителска акција.
Оваа акција е традиционална и секоја година добива на масовност. Од Црвениот крст се задоволни од посетеноста. Битолчани, како и секогаш, се покажаа како хумани луѓе.
128 едниници крв беа собрани на крајот на акцијата од страна на неколку тима од трансфузиологија.
„Од 9 часот до 14 и 30 трае крводарителската акција. Одзивот, како и секоја година, е за пофалба. Битолчани – хумани, редовните крводарители – запознати со сите крводарителски акции, уште од 8 и 30 си чекаа, а на наше големо задоволство имаше и многу нови крводарители, кои денеска за првпат даруваа крв“, велат од Црвениот крст.
Кон оваа акција денес се приклучи и кандидатот за градоначалник на Битола од „Сојузот за иднината“, Менде Диневски, кој и покрај својата набиена агенда, сепак, покажа дека хуманоста треба да биде најважната човечка особина.