СВР Скопје до надлежното Основно Јавно обвинителство-Скопје со кривична пријава ги предаде лицата С.Т. (39) и С.В. (31) и двајцата од Скопје осомничени дека извршиле едно кривично дело „разбојништво“ и при тоа се здобиле со противправна имотна корист од околу 500 денари.
Од страна на судија на претходна постапка на С.Т. одредена му е мерка притвор во траење од 30 дена.
Кривичното дело пријавените го извршиле минатиот месец откако оштетениот излегол од „ТТК Банка“ каде плаќал сметки му се приближиле и С.Т. му побарал 1.000 денари со цел да плати сметка во банка. Оштетениот му рекол дека нема пари и си заминал. Пријавените го пречекале на паркинг зад зградата и во еден момент С.В. почнал да го удира со тупаници по главата, а С.Т. од задниот џеб на оштетениот му одзел 500 денари и со трчање се оддалечиле од местото на настанот.
Во просториите на ПС ОН „Гази Баба“ во присуство на дежурниот јавен обвинител извршено е лично препознавање при што од страна на оштетениот со сигурност се препознаени С.Т. и С.В. како сторители на кривичното дело.
Инаку, С.Т. е регистриран сторител на кривични дела од областа на имотните деликти, кривични дела против животот и телото, кривични дела против правниот сообраќај, како и кривични дела против безбедноста на јавниот сообраќај за што му се поднесени 16 кривични пријави. Второпријавениот С.В. е исто така регистриран сторител на кривични дела од областа на имотните деликти, кривични дела против здравјето на луѓето, кривични дела против животот и телото, како и кривични дела против безбедноста на јавниот сообраќај за што му се поднесени седум кривични пријави.