СВР Велес до надлежното обвинителство поднесе кривична пријава против лицето Б.З.(31) од Велес, поради основи за сомнение дека сторил кривично дело „злоупотреба на безвизниот режим со државите членки на Европската Унија и на Шенгенскиот договор“.
Пријавениот кој се занимава со нелегален превоз на патници во Република Македонија и надвор од неа, соопшти денеска МВР, во текот на октомври 2013 година со приватен автомобил преку граничниот премин „Богородица“ во Грција пренел три лица од Велес со цел да отпатуваат во Германија и бараат економски азил.
Во февруари оваа година едното лице е депортирано од Германија откако таму побарало економски азил.