Кривична пријава за градежната фирма за непријавување данок од речиси половина милион евра

Од:

Сопственикот на градежната фирма Акчелик градба од Скопје и самата компанија заработија кривична пријава од Управата за финансиска полиција за затајување данок во вкупен износ од околу 462.000 евра.

dobivaj vesti na viber

Од мај 2018 година до декември минатата година со цел да стекне противправна имотна корист, како што соопштија од финансиската полиција, правото на располагање со станбено деловниот објект во фаза затворена карабина го пренел на нов инвеститор од Скопје без да изврши фактурирање на објектот.

-Продажната цена која изнесува 156.520.746 денари, претставува основа за пресметка на Данок на додадена вредност во износ од 7.826.037 денари и Данок на добивка во износ од 15.652.074 денари, при што пријавените спротивно на Законските прописи за извршената продажба не ги пресметале, пријавиле и не ги уплатиле Даноците кои ги долгуваат во вкупен износ од 23.478.111 денари, велат од Управата.

Пријавениот примил и аванси од купувачи на станови во вкупен износ од 104.835.423 денари кои не ги пријавиле во ДДВ – 04 Пријавите и не пресметале и не уплатиле Данок на додадена вредност по пресметана даночна стапка од 4.76 проценти за кој биле Законски обврзани при приемот на паричните средства и/или при извршената компензација во износ од 4.990.166 денари.

-Со намера да ги прикријат инкриминираните активности без да ги подмират обврските по основ на Данок на додадена вредност и Данок на добивка, пријавените не изготвиле излезна фактура во која ќе го прикажат Данокот на додадена вредност и остварените Приходи, не поднеле ДДВ-04 Пријави и Даночен Биланс и не изготвиле и не поднеле Завршни сметки за 2018 година, 2019 година и 2020 година до Управата за јавни приходи и до Централниот регистар на Република Северна Македонија. Исто така, не пријавиле во ДДВ – 04 Пријавите и не пресметале и не уплатиле Данок на додадена вредност за примените Аванси од купувачи, со што не пресметале, не пријавиле и не уплатиле Данок на додадена вредност во вкупен износ од 12.816.203 денари и Данок на добивка во износ од 15.652.074 денари или вкупно 28.468.277 денари, за кој износ го оштетиле Буџетот на Република Северна Македонија, појаснуваат од финансиката полиција.

Би можело да ве интересира

Аднан Џаферовски можен нов директор на Финансиска полиција: Немам разговарано за таа работа, би ја прифатил функцијата

Кристијан Ландов

Финансиската полиција поднесе кривична пријава против обвинителите кои беа дел од претресот минатиот месец

Катерина Павлова-Николовска

Кривична пријава против полицаец за примање поткуп

Финансиска полиција го враќа ударот: Поднесена претставка до Јовески против Русковска, претресот бил неоснован

Маја Илиевска-Пачемска

Тивка војна меѓу Обвинителството и финансиската полиција: Русковска ја претресла архивската книга на Управата

Маја Илиевска-Пачемска

Обвинителството прави претреси во Финансиската полиција, директорот Муареми со исклучени телефони

Кристијан Ландов