Жител на струшкото село Лабуништа за 300 евра неовластено набавил автоматска пушка и муниција, за што против него од полициска станица Струга е поднесена кривична пријава за „недозволено изработување, држење и тргување со оружје или распрскувачки материи“.
Како што соопшти СВР-Охрид, лицето Р.Ш. (47) од струшкото село Лабуништа пред три месеци, за сума од 300 евра, неовластено набавил огнено оружје-автоматска пушка АК-47 и двеста парчиња муниција- калибар 7,62 милиметри.
Пронајденото огнено оружје и целокупната муниција се одземени и предадени на вештачење во Министерството за внатрешни работи во Скопје.