Кражба во црквата „Свети Ѓорѓија“ во месноста Чука кај тетовско Волковија

Од:

Материјална штета од дванаесет илјади денари и украдени околу две илјади денари се последиците по тешката кражба во црквата „Свети Ѓорѓија“ во месноста Чука кај тетовското село Волковија.

– Криминалниот чин што го извршиле засега непознати сторители се случил во периодот од 24 -ти ноември до 3 -ти декември кога бил пријавен случајот, информираше денеска портпаролот на СВР Тетово Марјан Јосифовски.

Според неговите податоци непознатите најпрвин со погоден предмет насилно ја отвориле заштитната метална решетка, а потоа исто така насилно и двокрилната влезна врата од црквата по што влегле внатре и од ѕид ја искорнале металната каса за доброволни прилози од верниците и откако и неа ја отвориле одзеле околу две илјади денари по што незабележани од никого ја напуштиле црквата.

– Полицијата извршила увид и ги фотодокументирала оштетувањата по што се работи на откривање на сторителите додека вкупната штета од оваа кражба се проценува на околу 14 илјади денари, рече Јосифовски. 

Би можело да ве интересира

Скопјанец украл кредитна картичка од познаничка и подигнал 1.700 евра

Кражба на кабел за фотоволтаици, направена е штета од 15.000 евра

А1он

Службеник од Прилеп крадел пари од касата на локалната градска болница

Украл возило и возел под дејство на алкохол, па излетал од патот

Полицијата уапси тројца крадци кои ограбиле фирма

Скопјанец украл 10 илјди евра од менувачница