Куманово попладнево го зафати краткотрајно, но силно невреме проследено со пороен дожд и силен ветер.
Од Регионалниот Центар за управување со кризи Куманово денеска изјавија дека жители од различни локации од градот ги информирале дека по улиците се слеваат реки поради неможноста на атмосферската канализација да ја прибере количината на надојдената вода.
Со овие проблеми се соочиле жителите од „Бајрам Шабани“, локалитетите „Поток Серава“, булеварите „Трета МУБ“ и „Октомвриска револуција“. Од силината не ветерот откорнати се гранки од дрва во централното градско подрачје.
Екипите на „Чистота и зеленило“ излезени се на терен и го отстрануваат гранките.
