Од Центарот за односи со јавноста на локалната самоуправа Штип јавуваат дека хрватскиот амбасадор Златко Крамариќ денес ќе оствари средба со новоизбраниот градоначалник на Штип, Илчо Захариев.
Средбата е закажана за 18 часот и 30 минути, а ќе се одржи во општинската зграда, каде што е сместен кабинетот на градоначалникот.
Оваа средба има цел новиот градоначалник да се запознае со досегашната соработка што постои меѓу Република Хрватска и Општина Штип, а воедно ќе биде искористена и за создавање услови за понатамошна успешна соработка.