Ковачевски: ВМРО-ДПМНЕ не поддржа ниту една одлука за членство во ЕУ, ниту договорот со Фронтекс

Од:

Во однос на уставните измени јас ќе го повторам она што сум го кажал досега, тие се обврска на секоја политичка партија која што е за зачленување на нашата држава во ЕУ но опозицијата единствено дава декларативна поддршка, тие не поддржаа ниту една одлука до сега за зачленување во ЕУ, рече претседателот на СДСМ, Димитар Ковачевски во одговор на новинарско прашање.

-Она што го имаме кај опозицијата е единствено декларативна поддршка, сетете се на зачленувањето на НАТО. Тие не поддржаа ниту една одлука за зачленување во НАТО. Не поддржаа ниту една одлука до сега за зачленување во ЕУ. Најеклатантен пример е гласањето на договорот ФРОНТЕКС. Тој договор е прв договор во кој нашиот јазик стои заедно со сите 24 јазици на ЕУ потпишан од сите земји членки на ЕУ и од Северна Македонија. Ни тоа не влегоа да го гласаат за да го ратификуваат во Собранието, рече Ковачевски.

Ковачевски ја повика ВМРО-ДПМНЕ да седне и да размисли како ќе делува.

-Затоа треба да седнат, да размислат и она што декларативно го кажуваат да го покажат реално. Јас верувам дека во нашата опозицијата има пратеници, политички структури, има политички личности кои сакаат да ја видат оваа држава во ЕУ. Кога зборуваме за опозицијата, таму треба јасно да се постави прашање кој каков став има. Јас се повеќе гледам дека еден став има актуелниот претседател, а друг став има бившиот претседател на ВМРО – ДПМНЕ. Ќе треба да се видат и ставовите во однос на финалниот став на таа политичка партија, додаде Ковачевски.

Тој потсети на промашените изјавите на опозицијата и додаде дека не се точни наводите од ВМРО-ДПМНЕ дека пратеници од СДСМ нема да ги поддржат уставните измени во Собранието.

-Опозицијата велеше во јануари дека до средината на февруари ќе имаат 61 пратеник во Собранието и дека реконструкцијата која јас ќе ја поднесам нема да помине. Сите се уверивме дека таа реконструкција помина со зголемено парламентарно мнозинство кое сега е 65 пратеника. Тоа што го кажува опозицијата нема никаква реална основа. Тоа е само одговор на промашените тези кои ги имаа, кои ги кажав и немајќи сега што да кажат велат дека сега има други пратеници и тоа не е точно, потенцираше претседателот на СДСМ, Димитар Ковачевски.

Овој процес не може да биде процес на уцени, не може да биде процес на дневна политика туку процес на широк општествен политички консензус кој нема да биде предмет на дневни прес конференции, додаде Ковачевски.

Би можело да ве интересира

Мицкоски ќе го добие мандатот, за да формира влада треба во Собрание да помине реорганизацијата на министерствата

Катерина Ѓуровски

Стоилковски: Обвинителство наводно истражува заговор, власта и директорите на Хирургија се договараат

ВМРО-ДПМНЕ: Доктор тендер корона Филипче, стани Цаци и Јово грант – ова е иднината на партијата која на тацна и ја даде државата на ДУИ

ВМРО-ДПМНЕ: Дали за 120.000 евра санација на Хирургија која не е направена е колабиран цел здравствен систем

(ВИДЕО) Стоилковски: Директорите да кажат колку операции и зафати се откажани, одбиени, препратени од Хирургија во овие 15 дена

15-ти ден Хирургија не функционира, државата е парализирана заради неспособноста на СДС и ДУИ обвинува ВМРО-ДПМНЕ

Катерина Ѓуровски