Премиерот Димитар Ковачевски смета дека заклучок од лидерската средба е тоа што ВМРО-ДПМНЕ не е против уставни измени.
– Добро е што имавме разговор и што ставот утрово искажан од страна на потпретседателот Муцунски утрово пред штабот на ВМРО-ДПМЕ е променет, а тоа е дека ВМРО-ДПМНЕ не е против уставни измени. Ова е процес во кој треба заедно да учествуваат сите. На состанокот се прави јасна дистинкција дали ќе ја интегрираме Македонија во ЕУ или ќе биде изолирана. Сметам дека треба да изградиме став дека за државата е најдобро да влезе во ЕУ.
Моја лична цел е овој процес да биде успешен и токму затоа вклучувањето на други делови од народ во Уставот е чекор напред. Ние сме Европа во мало со оглед на разноликоста на луѓето кои живеат во неа и кои денес ја чувствуваат Македонија како своја – рече премиерот Ковачевски.