Ковачевски: Мицкоски мисли на мораториум за членство во ЕУ

Од:

Се повеќе и повеќе луѓе сфаќаат дека единствен мораториум во главата на Мицкоски е мораториумот за интеграција на државата во ЕУ. Исто како што го блокираше изминативе две години, тој е спремен да го одложува членството на ЕУ уште 11 години, исто како што правеше неговиот ментор Груевски, рече претседателот на СДСМ, Димитар Ковачевски вечерва во Тетово на митингот на Коалицијата за европска иднина.

-Наместо национално единство за мораториум, на Македонија ѝ е потребно национално единство за интеграција во ЕУ. Тоа е вистинскиот и единствен пат за промени и токму тоа е одлуката што вие треба да ја донесете на овие избори. Едната опција се Мицкоски, Силјановска и ДПМНЕ со мораториум за ЕУ, а другата опција се СДСМ и Стево Пендаровски кои нема да се откажат од нашата европска иднина, рече Ковачевски.

ВМРО ДПМНЕ на чело со Мицкоски е истото ВМРО ДПМНЕ кое на чело со Груевски 11 години ја зароби државата и ја изолираше од светот. Тие не само што нема да успеат да ја придвижат државата кон ЕУ ниту милиметар, а туку ќе ги обвинуваат сите околу себе, соседите и на крај и ЕУ ќе им биде крива, додаде тој.

-Спремни се Македонија уште 100 години да чека за да влезе во ЕУ или како што ќе кажат можеби и никогаш. Ние заедно нема да дозволиме да си поигруваат со нашата иднина и иднината на нашите деца, потенцираше претседателот на СДСМ, Димитар Ковачевски.

Би можело да ве интересира

(ВИДЕО) Кузеска: Дали Мицкоски се плаши од декласификација поради потврда на милионски криминал на ВМРО-ДПМНЕ?

Мицкоски го искара Касами: Да не влегува во фолклорот на ДУИ, туку да зборува за проекти

Катерина Ѓуровски

Петрушевски: Целиот разузнавачки систем бил ставен во функција против Мицкоски

Дали Мицкоски ќе продолжи да го штити Меџити од обвинувањата за 450 илјади евра провизија за „Скендербег“, прашува Алијанса на Таравари

ВМРО-ДПМНЕ: Пет години безбедносните служби го прислушкувале Мицкоски

Лидл започна со изградба на маркет во Општина Аеродром

A1on