Ја носиме правдата, ја носиме демократијата, ја носиме слободата, порача Васко Ковачевски вечерва во Битола на митингот на СДСМ.
– Ја имаме истата мака, ја трпиме истата неправда. Што направија од Битола? Место последно за бизнис и за образование. Дуќаните не прават сефте ден за ден. Се раскрчмува општинскиот имот. Градот се соочува со најголемите инфраструктурни проблеми. Најголема нивна инвестиција во Битола е Владимир Талески, познат како транспортер, кој го уништи нашиот град и го врати назад 100 години. Битола е најзагаден град во Европа и во светот. Десет години лажат и продаваат магла. Затоа вечерва сме овде да го слушнете нашиот план за живот во Битола и во Македонија. Ветуваме дека во Битола ќе има почист воздух, вода и почва преку инвестиции во прочистителни станици, гасификацијата е приоритет за нас. Автопатот од Велес ќе биде нов крвоток. РЕК Битола повторно ќе биде столб на електро-енергетскиот систем во Македонија и ќе остане во рамките на комбинатот – рече тој.
– Антонио во Битола не се навива со црвено црна боја, му порача тој на Антонио Милошоски.
– Да се здружиме силно за нашите деца и внуци, за нашата иднина, да гласаме за живот – повика тој.