Ковачевски: Доаѓа ново време, со работа почнуваме веднаш

Од:

Легитимитетот на Владата е неспорен и со зголемената поддршка на мнозинството одржлив во следните две и пол години. Јасно и гласно потврдувам дека избори ќе има, но во 2024 година. До тогаш, ќе работиме посветено на унапредување на економијата и квалитетот на животот на секој граѓанин. Најавив и цврсто остануваме на нашиот модел за ефикасно управување и транспарентно, фокусирано и базирано на резултати рече новиот премиер Димитар Ковачевски во завршното обраќање пред пратениците по дводневната дебата за составот на новата Влада.

dobivaj vesti na viber

Во прдолжение обраќањето на Ковачевски:

-Со работа започнуваме веднаш. Веќе на утрешната седница на Владата отпочнуваме со носење на решенијата за енергетската криза. Утре ќе остварам и средба со новата германска министерка за Европа, на која ќе разговарам за забрзување на евроинтеграциите. Веќе во вторник, на мое огромно задоволство, ќе бидам домаќин на новиот бугарски Премиер, г-динот Петков, со кога сакаме да воспоставиме нова соработка, базирана на почитување, поддршка и зачувување на македонскиот идентитет и посебност.Веднаш потоа, продолжуваме со решенија за зголемување на пензиите и за поддршка на куповната моќ на граѓаните. Ќе се посветиме на ефикасна реализација и стимулирање на домашните јавни капитални и домашните и странски приватни инвестиции.

Секој министер во својот ресор и целата Влада, имаат јасен и прецизен План за реализирање на поднесената Програма, со рокови и индикатори за следење на реализацијата и ефектите.

Најавив и нудам модел на партиципативност и уште еднаш ја повикувам целата опозиција за заедничка работа и консензус за клучните прашања. Нашите граѓани се обединети во барањата за подобар живот. За тоа единствено ќе работиме, и бараме сите да ни се приклучите да ја реализираме таа цел. Да престанат политичките, етничките и социјални поделби, да престане говорот на омраза и на ширење и поттикнување на песимизам. Да ги тргнеме личните и теснопартиските интереси на страна бидејќи сега повеќе од било кога мора да соработуваме во интерес на граѓаните.

Верувам дека ќе успееме да работиме и подобро и поефикасно. Верувам дека ќе ја подготвиме нашата држава за новото време. На сите граѓани им посакувам многу здравје, мир и спокојство во семејствата и ветување дека ќе направиме се да ја заслужиме и оправдаме нивната доверба и да обезбедиме подобар живот за сите.Доаѓа ново време, доаѓа подобро време.

Би можело да ве интересира

ВМРО-ДПМНЕ: Ковачевски требаше да одговори дали вчера на стадионот во Чаир го прашал Џафери по кого пцуел во Собранието

Мицкоски бара меѓународна реакција за пцостите на Џафери: Интерпелација нема да успее

Кристијан Ландов

Доаѓаат тешка зима и ценовни шокови, Ковачевски бара Собранието да не биде блокирано

Кристијан Ландов

Ковачевски: Собранието не е супермаркет каде што некој ќе одлучува кој закон ќе помине кој нема

Катерина Павлова-Николовска

Мицкоски: Работиме да има избори, ВМРО-ДПМНЕ да освои 61 пратеник

Катерина Павлова-Николовска

СДСМ: Не успеа блокадата на Мицкоски