Ковачевски: Дијалогот за зголемување на пензиите и новата методологија започнува утре

Од:

Во изјава за медиумите, премиерот Ковачевски посочи дека од страна на Министерството за труд и социјална политика и другите ресорни министри е веќе закажан првиот состанок на кој ќе се разговара за методологијата која ќе понуди одржлив и континуиран раст на пензиите во иднина. Воедно, се очекува методологијата да ја одржи постигнатата стабилност на Пензискиот фонд.

Процесот ќе се одвива низ отворен дијалог и меѓусебно разбирање на сите засегнати страни, исто како што се одвиваше и процесот врзан за покачување на минималната плата, процес кој заврши во историски договор постигнат на задоволство на сите страни, истакна Ковачевски.

„Во однос на методологијата ние имавме веќе едно покачување на пензиите, а следува и уште едно покачување на пензиите меѓутоа низ досегашните разговори и барања на асоцијациите на пензионерите како и низ анализите кои претходно беа правени веќе се пристапи кон разговори од кои што треба да произлезе нова методологија за пораст и усогласување на пензиите. Тоа е значајно затоа што на таков начин ќе може да се обезбеди континуиран и соодветен раст на пензиите бидејќи пензионерите тоа го заслужуваат“, изјави премиерот Ковачевски.

Премиерот потенцираше дека веќе се прават анализи и во однос на пакет финансиска поддршка на пензионерите, земајќи предвид дека се наоѓаме во енергетска криза која што предизвикува и негативни економски последици. Анализите ќе овозможат да се дефинира како износот, така и износот по различна категорија на висина на пензиите.

Би можело да ве интересира

Митева: Доколку навистина имало хибриден напад врз државата, владата мора да понесе одговорност

Катерина Павлова-Николовска

Петков го повика Ковачевски да прифати компромис

А1он

Еди Рама: Ниту војната не успеа да ги обедини Европејците

Орце Костов

(ВИДЕО) Ковачевски: Предлогот на Франција не е прифатлив за нас

Орце Костов

Кирил Петков: Нема изгледи за укинување на ветото на овој самит

Орце Костов

ВИДЕО: „Не можам да кажам дека Ковачевски е среќен, ќе видиме што ќе биде“, рече Вучиќ пред Самитот во Брисел

Орце Костов