Заедно со носителот на советничката листа на ВМРО-ДПМНЕ, доктор Никола Божиновски, сакаме да ви соопштиме една многу убава вест. Распишана е тендерската постапка за нова модерна поликлиника на територија на општина Бутел, изјави градоначалникот на Бутел, Дарко Костовски.
– Срамниот објект позади нас, таканаречената модуларна амбуланта ќе замине во историја. Граѓаните на општина Бутел ќе добијат здравствена заштита од примарно и секундарно здравство, што навистина е барање коешто веќе го чекаат со децении. За сето ова, за како ќе изгледа модерната поликлиника, имаме изработено и 3Д анимација и ќе ми биде задоволство доколку ја погледнеме заедно, рече Костовски.