Градоначалникот Костадин Костадинов информираше дека од денеска започнува исплатата на помошта за сопствениците на опожарените дуќани и тезги во „Глобал“.
„Започна исплатата на помошта од Владата на Република Северна Македонија. Педесет правни и 20 физички лица ќе добијат по 20 проценти или вкупно 13 милиони денари. Општина Струмица и финансиски и со други активности во рамките на нејзините надлежности помагаше во санирањето на последиците и обновувањето на опожарениот дел на Глобал“, кажа Костадинов.