Координативното тело за справување со кризи денеска поради зголемување на нивото на водата во браната Калиманци и најавите за излевање на реката Брегалница апелираше жителите на Виница, Чешиново-Облешево, Кочани, Карбинци и Штип да ги обезбедат своите имоти.
– Се апелира до сите жители од овие населени места да бидат претпазливи, да ги осигураат вредните предменти на сигурни места и физички да ги обезбедат своите имоти. Се апелира до сите жители на овие места да се обратат до општините, до регионалните центри на ЦУК на бесплатниот број 195 и Дирекцијата за заштита и спасување, се вели во соопштението од Координативното тело.
Излевање на водата од Брегалница се очекува во вечерните часови. Како критични точки се утврдени сите населени места по течението на реката Брегалница.