Во Куманово Сојузот за иднината, во недела ќе одржи политичка конвенција, во Спортската сала.
Иако првично беше објавено дека настанот ќе се одржи во Домот на културата, поради масовноста е донесена одлука да се одржи во Спортската сала.
Пратеникот, Оливер Спасовски ги повика членовите и симпатизерите на опозицијата, кои се незадоволни од актуелната власт да присуствуваат на собирот.
-На Конвенцијата ќе биде усвоена декларација за политичко дејствување на СДСМ и коалиционите партнери во наредниот период и декларација со која што ќе се изрази волјата на овие политички субјекти, за надминување и решавање на политичката кризата. Куманово, не се согласува да живее во Македонија за која ќе се зборува за недостаток на демократија. Сметам дека како и многупати досега, како кога се одржуваше протестниот марш, караван, сега сите граѓани ќе покажат едно високо ниво на одговорност во овие тешки моменти – изјави Спасовски.