Универзитетот „Св. Климент Охридски“ – Битола, во пресрет на Денот на основањето на УКЛО, на 24 април, по трет пат ќе организира натпревар во ораторство, за студентите од сите единици на Универзитетот, на тема „Quo vadis, студенту? Правата на студентите во 21 – от век!“
Од УКЛО информираат дека ТРИВИУМ е одлична можност студентите да ги подобруваат вештините за јавно говорење, аргументирано и структурирано изразување.
-За учество на напреварот во ораторство има јасно утврдени кретериуми, односно секој учесник треба да го ограничи својот говор на максимум пет минути, говорите коишто ќе се интерпретираат треба да бидат оргинални и претходно необјавувани, и за време на говорот учесникот нема да може употребуваните цитати да ги чита, посочуваат организаторите на натпреварот.
На конкурсот може да учествуваат студенти запишани на прв, втор или трет циклус на студии при УКЛО-Битола, а најдобрите оратори ќе бидат наградени, информираат од Универзитетот „Св.Климент Охридски“-Битола.