Во организација на Канцеларијата на УНИЦЕФ во Скопје и Министерството за труд и социјална политика во соработка со Светска банка денеска во хотелот Арка ќе се одржи конференција за детската сиромаштија.
На конференцијата, како што информираат организаторите, ќе се презентираат статистички податоци за состојбата со сиромаштијата на децата во земјава и ќе се предложат решенија.
Предвидени се обраќања на министерка за труд и социјална политика Мила Царовска, претставник на УНИЦЕФ Бенџамин Перкс и директорот на канцелариите на Светска банка за Косово и Македонија Марко Мантованели,
На средбата ќе има две панел сесии. На првата на тема „Детската сиромаштија, развојот кај децата и стратегии за справување од страна на семејството и домаќинството“ ќе зборуваат Пол Стабс, професор на Институтот за економија во Загреб и Билјана Дуковска од Македонската платформа против сиромаштија.
На втората панел сесија Гордана Матковиќ од Центарот за социјална политика во Белград, Маја Геровска Митев, професор на Филозофскиот факултет во Скопје и Љубинка Поповска од Министерство за труд и социјална политика ќе зборуваат за мерење на детската сиромаштија.