Заменик началникот на Генералштабот на АРМ, генерал-потполковник Насер Сејдини, учествува на 18. Конференција на началници на генералштабови од армиите на земјите-членки на Јадранската повелба што се одржува во Црна Гора.
Главна тема конференцијата е одржување на интероперабилноста преку регионално партнерство.
Заменик-началникот на ГШ на АРМ, генерал-потполковник Сејдини, соопшти денеска МО, во своето излагање ја истакнал работата на АРМ во реформите и евроатланските аспирации кои ги имаме, потенцирајќи дека Република Македонија заслужува и има право да биде полноправна членка на НАТО.
Покрај учеството на началниците на ГШ на армиите од земјите-членки на Јадранската група (Македонија, Албанија, Хрватска, Босна и Херцеговина и Црна Гора) на конференцијата присуствуваат и заменик началникот на Вооружените сили на Словенија, командантот на КФОР, како и високи претставници на националните гарди, партнери на земјите членки на Јадранската повелба.
Домаќин на следната 19. конференција на началниците на генералштабовите на армиите на земјите-членки на Јадранската повелба, ќе биде Република Македонија.