Конференција на тема „Фемициди – убиства на жени заради тоа што се жени“ ќе се одржи денеска во организација на Националната мрежа против насилство врз жени и семејно насилство
Главен говорник на конференцијата ќе биде Шалва Веил, професорка на Хебрејскиот универзитет во Ерусалим и позната истражувачка и гласноговорничка на темите насилство врз жени и убиство на жени – фемициди.
Таа се залага фемицидите да бидат третирани како социолошки факт, на кој е потребно да се посвети доволно внимание и да се надминат предизвиците во нивното истражување.
Покрај професорката Веил, на конференцијата ќе говорат и други чинители од државните институции и невладиниот сектор кои се засегнати со тематиката на насилство врз жени и убиства на жени.