Членот на ВМРО-ДПМНЕ и актуелен советник за град Скопје на Претседателот на партијата, Ивица Коневски, попладнево во допис до медиумите најави тужба против портпаролот на ВМРО-ДПМНЕ, Наум Стоилковски.
„Против портпаролот на ВМРО-ДПМНЕ, Наум Стоилковски ќе поднесам тужба за изнесените лаги и клевети и тој за многу кратко време јавно ќе се извини.
Мицкоски, ти порачувам уште еднаш дека сите овие лаги и манипулации нема да те спасат од заминување,“ вели Коневски во дописот.
Коневски утринава на социјалните мрежи објави статус во кој вели парламентарните избори потврдиле оти е „крајно време“ за промени во ВМРО-ДПМНЕ.
Во реакција на објавата, портпаролот на ВМРО-ДПМНЕ Стоилковски изнесе документи кои според него докажуваат дека Коневски е сопственик на стан и деловен простор во спорната зграда кај „Мајчин дом“ во Аеродром, по што следеше најавата за тужба од Коневски.