Компанијата Млечна Индустрија ги отфрла обвинувањата за наводно труење на риби во река Брегалница во Делчево

Од:

Компанијата Млечна Индустрија ги отфрла обвинувањата за наводно труење на риби во река Брегалница во Делчево, откако на социјалните мрежи компанијата е обвинета за наводно труење на животинскиот свет во реката од нивна страна.

Млечна индустрија, како што се вели во соопштението на компанијата, работи согласно законските прописи и обврски, во што се увериле и Републичките инспектори, при последната пријава од страна на СРД „Брегалница” кај надлежните институции.

– Воедно Млечна индустрија сака да ја информира јавноста дека СРД „Брегалница” во повеќе наврати бара спонзорство од нас и бидејки досега нема добиено финансиска помош од нас, се обидува да не „оцрни” на секој можен начин. За сите обвинувања и клевети нашата компанија ќе си превземе правни процеси, истакнуваат од Млечна индустрија.

Компанијата, како што посочуваат, 365 дена во годината работи согласно сите законски обврски,според кои компанијата е под постојан мониторинг на инспекторати, министерства и Агенцијата за храна и ветеринарство.

– Доколку има било какво повредување на законот, тоа како што додаваат ќе биде соопштено од официјалните претставници на споменатите правни субјекти. Во ниеден крај во државата не се појавува труење на риби предизвикано од млекари. иако многу од нив работат со дупло поголем капацитет од нашиот, додаваат од делчевската Млечна индустрија.

Како одговор на соопштението од Млечна индустрија, од Спортско риболовното друштво „Брегалница“ за случајот велат дека тие не споменуваат имиња за тоа кој е виновник за труењето, туку апелираат сите да го погледнат видеото и фотографиите објавени на нивната фејсбук страна и сами нека оценат од каде доаѓа загадувањето на река Брегалница и труењето на животинскиот свет во речните води.

Би можело да ве интересира

Обвинение за скопјанецот кој истепа две деца на натпреварот „Брегалница“ – „Шкупи“

Горан Наумовски

Градоначалникот на Делчево: Нема никаква злоупотреба на службена положба, постапив според закон

А1он

Градоначалник на Делчево незаконски вработил лице кое по закон требало да биде пензионер

(ВИДЕО) Притвор за таткото кој тепаше 15 годишни фудбалери на натпревар во Штип

А1он

МВР: Уапсен е еден родител кој учествувал во инцидентот во Штип

Горан Наумовски

(ВИДЕО) Две деца се тешко повредени откако родители на играчи на „Шкупи“ влетаа на терен и нападнаа фудбалери на „Брегалница“

Горан Наумовски