Кабинетот на претседателот на Собранието денеска соопшти дека Комисијата за деловнички и мандатно-имунитетни прашања не е надлежна да постапува во врска со Известувањето на пратеникот Никола Груевски за откажување од правото на имунитет доставено до Комисијата на 30 јуни оваа година.
– Во врска со Известувањето од страна на пратеникот Никола Груевски за откажување од правото на имунитет, доставено до Комисијата за деловнички и мандатно-имунитетни прашања на Собранието на Република Македонија на 30 Јуни 2017, Ве известуваме дека Комисијата не е надлежна да постапува по ова известување. Согласно член 53 од Деловникот на Собранието на Република Македонија, Комисијата постапува по Барање за одобрување притвор кое надлежниот орган (судот) го доставува до претседателот на Собранието на Република Македонија, по што Барањето се доставува до Комисијата, се наведува во соопштението од Кабинетот на претседателот на Собранието.