Опозициската ВМРО ДПМНЕ информира дека денеска вонредно заседавала нивната Комисија за здравство, по објавувањето на денешниот број на новозаразени со Ковид-19. Тие на денешниот состанок заклучиле дека ситуацијата е алармантна.
„Македонија го доживува вториот пик. Со оглед на големата бројка на новозаразени во едно деноноќие, Комисијата за здравство на ВМРО-ДПМНЕ смета дека Министерството за здравство нема никаква контрола врз ситуацијата со коронавирусот. Во контекст на ова, Комисијата смета дека воопшто не се познати кластерите како што велат надлежните“, пишува во соопштението од Комисијата за здравство на ВМРО ДПМНЕ.
Комисијата заклучила дека мора итно да се преземат мерки во насока на поголема заштита на здравјето на граѓаните.