Во официјална посета на АРМ, денска ќе престојува командантот на Командата на здружените сили на НАТО во Неапол, адмирал Брус Клинган, на кого домаќин ќе му биде началникот на ГШ на АРМ генерал-потполковник Горанчо Котески.
За време на престојот во ГШ на АРМ, адмиралот Клинган ќе оствари средба и со министерот за одбрана, Талат Џафери.
Како што е најавено, на средбите адмирал Клинган ќе се запознае со реформските процеси во одбраната и трансформацијата на АРМ, искуствата од мисиите предводени од НАТО, декларираните капацитети на АРМ за поддршка и учество во мисиите и учеството во пост-ИСАФ.