На општинската интернет страна, во известувањето од обележувањето на 109 години од смртта на Христо Узунов денеска, пишува дека делегација на Општина Охрид положила цвеќе, додека на фотографиите главни „ѕвезди“ се кандидатите за пратеници на ВМРО – ДПМНЕ од Охрид за претстојните парламентарни избори.
Не видовме ниту еден член од Општина Охрид.
Ниту еден претставник не е присутен на фотографиите кои Одделението за односи со јавност ги прикажала на страната на Локалната самоуправа.
Дали со ова, Општина Охрид го злоупотребува информирањето кон граѓаните за случувањата и активностите на институцијата?! Дали кандидатите за пратеници се дел од Локалната самоуправа?!
Дали Локалната самоуправа треба да биде еднаква за сите граѓани или подобна само за членовите и симпатизерите на ВМРО – ДПМНЕ?! Сака ли Одделението за односи со јавност свесно да промовира кандидати за пратеници од одредена политичка партија?!
Ф.Ј.