На покана на министерот за надворешни работи на Република Македонија, Никола Димитров, на 31 август, 2017г., во официјална, возвратна, посета на Република Македонија ќе престојува министерот за надворешни работи на Грција, Никос Коѕијас.
Посетата на грчкиот Министер претставува продолжение на дијалогот меѓу двајцата Министри за надворешни работи во рамки на кој се опфатени перспективите на билатералната соработка меѓу двете земји, како и други прашања од заемен интерес.
Се очекува акцентот во разговорите да биде ставен врз имплементацијата на Мерките за градење доверба и заклучоците од нивното шесто продолжение, што беше одржано на 29 август, во Атина.