Универзитетската клиника за очни болести Скопје повторно ги отфрла изнесените невистини за состојбата во здравствената институција наведени во соопштението на СДСМ, реагираат од Клиниката.
Од таму тврдат дека не постои инфекција која се шири, ниту пак има пациенти кои се заразени со било каков препарат.
„Сакаме да порачаме до сите граѓани на Република Македонија дека и 100 пати изречената невистина од страна на СДСМ нема никогаш да прерасне во вистина, во тој контекст колку пати тие ќе изнесуваат невистини и лаги, толку повеќе пати ние ќе стоиме пред вас да ви ја кажеме вистината“, стои во реакцијата на Универзитетската клиника за очни болести Скопје.