Дрвјата околу плоштадот Филип Втори, преку Камени мост, ќе бидат отстранети затоа што претставуваат опасност за минувачите и околината, најавуваат од јавното претпријатие „Паркови и зеленило“. На нивно место, додаваат, ќе бидат засадени нови садници.
Во невремето што го зафати Скопје изминатиов месец, велат од таму, паднал еден чемпрес кој предизвикал штета и поради тоа бил отстранет. Екипите на јавното претпријатие утврдиле дека и другите зимзелени садници на овој плоштад покажуваат слабост, се со слаб и оштетен коренов систем и постои опасност да паднат.
„Поради наведените причини и заради безбедност на граѓаните, Ве известуваме дека овие оштетени садници ќе бидат отстранети и на нивно место ќе бидат засадени нови и здрави садници“, велат од таму.