Ќе се формира Анкетна за фабриката за лични карти, СДСМ не предложи членови

Од:

Собраниската Комисија за прашања на изборите и именувањата денеска донесе одлука за формирање Анкетна комисија за скандалот со фабриката за фалсификување на лични карти, пасоши, афери и други документи. Како што најави пратеничката група не доставила предлози за членови на оваа Комисија и не присуствуваа на денешната седница.

Претседателот на Комисијата Зоран Илиоски информираше дека предлози за членови на Комисијата доставиле ВМРО-ДПМНЕ, ДУИ, ДПА, а член ќе биде и независната пратеничка Солза Грчева.

– Во моментот кога пратеничката група на СДСМ ќе достави до мене предлози за членови на Анкетната комисија итно ќе свикам седница и тие ќе бидат вградени во составот на Анкетната комисија, рече Илиоски.

За претседател на Анкетната е предложен координаторот на пратеничката група на ВМРО-ДПМНЕ Илија Димовски, за потпретседател Љупчо Димовски, за членови од оваа партија Трајчо Димков, Благоја Деспотовски, Лилјана Кузмановска, Андон Чибишев, Благица Ласковска и Драган Данев, од ДУИ Талат Џафери и Ејуп Рустеми, од ДПА Газменд Алиу и независната пратеничка Солза Грчева.

Врз основа на Одлуката, Анкетната комисија треба да содржи 16 членови, од кои четворица на предлог на опозицијата.

Илисоки реагираше во врска со барањето на пратеничката група на СДСМ за увид во документацијата на Силвана Бонева, член на ДИК, за што беше дискутирано на претходната седница на Комисијата за прашања на изборите и именувањата на која тој не присуствуваше.

– Ако СДСМ уште денеска поднесе барање врз основа на Законот за пристап до документи во рок од 24 часа тие документи ќе ги добијат, или втора варијанта ако сакаат можат да се качат кај мене во канцеларија и да ги видат на лице место, рече претседателот на Комисијата за прашања на изборите и именувањата.

Би можело да ве интересира

На 29 јули интерпелација за републичкиот јавен обвинител – Љупчо Коцевски

А1он

Пратениците дебатираат за ребалансот на Буџетот за 2025 година

Утре на пленарна седница ќе биде дополнетиот ребаланс на Буџетот за 2025 година

Собранието ќе одлучува за дополнетиот ребаланс на Буџетот одобрен од Владата

Мицевски: Владата има луѓе, има механизација сега и се справува со сите можни и неможни позиции коишто ги има

Левица: Африм Гаши, уценет од ВМРО-ДПМНЕ, илегално ја поништи закажаната Надзорна расправа за Кочани