Спасовски: Ќе има нови возила за оперативно работење на македонската полиција, а не да се возат министри, заменици, директори…

Од:

Ова е прва година во која бараме поголеми финансиски средства предвидени во Буџетот за набавка на возила и на мебел, изјави денеска министерот за внатрешни работи Оливер Спасовски, одговарајќи на новинарско прашање во однос на реакцијата од страна на опозицијата за набавка на нови возила и на мебел за потребите на МВР.

Последната голема набавка, информира тој, е направена некаде 2008 година и многу од возилата веќе се со лоши перформанси. Спасовски нагласи дека се трошат финансиски средства за поправка на овие возила.

– Предвидени се финансиски средства за набавка на возила, меѓутоа не за возила во кои ќе се возат министри, заменици, директори…, туку возила што ќе бидат за оперативно работење на македонската полиција. Клучната работа на полицијата, ефикасноста, зависи од тоа колку се опремени македонските полицајци и токму од тој аспект се предвидени овие финансиски средства, рече Спасовски по предвањето на донација од возила наменети за Единицата за службени кучиња при МВР од страна на шефот на мисијата на ОБСЕ во Скопје, амбасадорот Клеменс Која.

Во врска со прашањето кое опозицијата го поставува за набавка на мебел, Спасовски меѓу другото одговори дека по 2005 година првпат ова раководство на МВР гради нова зграда на крим-техника, која треба да биде целосно опремена, а покрај другото опремена и со мебел, ако сакаме да профункционира.

Би можело да ве интересира

(ФОТО) Ја давеше, ја газеше по нозете, ја влечеше по асфалт и ја остави на сред улица – уапсен е син на инспектор во УЈП

А1он

МВР во 2026 сè уште работи со тефтери, Тошковски најавува дигитализација за три до четири месеци

За пет часа полицијата напиша 221 казна за пешаците во Македонија

А1он

Пораст на измами за сообраќајни прекршоци, МВР апелира на внимателност

Јанев за акцијата во Куманово: Криминалната група дејствувала повеќе од пет години

Голема полициска акција во Куманово: Апсења и претреси поради изнуда, лихварство и перење пари