Кавадарци заслужува многу подобра патна инфраструктура, рече на денешната прес-конференција кандидатот за градоначалник на Кавадарци од редовите на СДСМ и коалицијата Бетиан Китев.
– Изминативе осум години, многу малку се инвестираше во подобрување на состојбата на патиштата во Кавадарци. Моментално состојбата со улиците и булеварите во Кавадарци е катастрофална. Некои улици се целоснораскопани и непроодни. Граѓаните возејќи по такви улици, значително ги оштетуваат своите возила, но исто така и безбедноста на сообраќајот е намалена, рече тој.
Најочигледен пример е, додаде, Северниот булевар, кој е главна сообраќајна артерија и обиколница на Кавадарци. Тој е според него целосно уништен и е често пати непрооден, особено во зима или кога врне дожд.
– Нашиот план е да градиме одговорно, квалитетно и домаќински. Во нашата Програма „План За Живот во Кавадарци“, покрај реконструкцијата на влезовите, планираме и замена на асфалтот на главните улици во градот, но и периферијата, кој поради забот на времето е значително оштетен.
Сметаме дека со овој зафат значително би се подобрила патната инфраструктура во Кавадарци и би се олеснило движењето на возилата, додаде Китев.
Кавадарци, рече, како индустриски град заслужува и мора да има подобро средени улици и патишта.
– Планираме и изградба на три нови кружни текови. Со изградбата на овие три нови кружни текови би се постигнала подобра регулација на сообраќајот во градот, но и значително би се подобрила безбедноста.
Во нашата програма имаме предвидено и реконструкција на уште многу улици, како во градот, така и по селата, нагласи тој.
Само со квалитетна инфраструктура, додаде, може да имаме квалитетен живот.