Министерката за информатичко општество и администрација, Марта Арсовска Томовска изврши притисок врз административните службеници, го прекрши законот за Влада во член 49, со што направи злоупотреба на службената положба и овластување и несовесно работење во службата. Тоа е факт од неменлива категорија! За тоа кривично се одговара, одговара дополнителниот заменик министер за информатичко општество и администрација, Александар Кирацовски на реакцијата од министерката Марта Арсовска Томовска.
„Министерката нема законско право да го ограничува пристапот на дополнителниот заменик министер до акти, документи и информации кои му се на располагање на министерот. Исто така, министерката нема право да креира т.н. ‘процедури и правила за увид на предмети по барање на дополнителниот заменик министер’, опишани во импровизираниот и незаконски допис до вработените. Очигледно е дека ВМРО ДПМНЕ од нешто се плаши! Повторно ја повикуваме министерката да го повлече небулозниот и незаконски допис, што повлекува нејзина кривична одговорност. Ги охрабруваме сите вработени во Министерството и администрацијата да не потклекнуваат на вакви незаконски дописи!“, се наведува во реакцијата на Кирацовски.