Генералниот секретар на СДСМ и пратеник, Александар Кирацовски, на прес-конференција во Собранието информираше дека кандидатот за претседател Стево Пендаровски добил поддршка од 60 пратеници, а воедно е почната и постапка за собирање 100 000 потписи во месните канцеларии на ДИК.
Во однос на барањето на опозицијата за лидерска средба за СЈО,Кирацовски рече дека тие се отворени за средба, но може да прифатат договор само од технички аспект, суштински измени на законот не.
Според него, барањето на ВМРО-ДПМНЕ да предложат јавен обвинител е неприфатливо.
„Изборот на јавен обвинител е прецизиран уште во 2016 година, со изборната програма на СДСМ.Но, јавен обвинител да се бира од ова опозиција што го штити криминалот, нема да има”, рече Кирацовски.
Габриела Димковиќ-Мишевска