Александар Кирацовски од СДСМ побара одземање на мандатот на експремиерот Никола Груевски.
„Оваа седница да биде пример и да одѕвонува во иднина за сите функционери кои ќе го прекршат законот или ќе го заобиколат“, рече Кирацовски.
Тој додаде дека врз основа на пресудата, Груевски е недостоен за пратеник.
Претходно, ВМРО-ДПМНЕ се изјасни против одземање на мандатот на Никола Груевски и пратениците ја напуштија салата откако образложија дека се работи за политички прогон. На седницата на Комисијата за мандатно-имунитетни прашања во Собранието, не се појави ниту експремиерот, Никола Груевски. Предлогот за одземање на мандатот на Груевски е врз основа на добиено известување од Основниот суд за пресудата од две години затворска казна поради случајот со „мерцедесот“.
Галена Николовска-Ризвановиќ