Кинеска донација од 2,3 милиони денари за медицинска опрема, до крајот на месецов ќе стигнат и вакцините Синовак

Од:

Министерот за здравство Венко Филипче денеска прими две донации, едната од 2.313.000 денари за медицинска опрема од Амбасадата на Народна Република Кина и една од 100 илјади долари за борба против Ковид-19 од Друштвото на Црвениот крст на Кина. Филипче најави дека до крајот на месецов ќе пристигне и големата количина вакцини Синовак.

– Да споменам и за донација од Армијата 100.000 вакцини Синофарм кои веќе се дистрибуирани согласно потребите и пријавувањето на нашите граѓани. Во периодот кој следи, на крајот на месецов стигнува и големата количина вакцини на Синовак и со тоа вкупната бројка на граѓани кои ќе добијат вакцини од производителите Синофарм и Синовак ќе биде 400.000, еден сеирозен процент од вкупната популацијата ќе биде имунизирана со овие вакцини, а тоа е значајно за постигнувањето на колективниот имунитет, рече денеска на прес-конференција министерот Филипче.

Тој се заблагодари на амбасадорот Џанг Ѕуо и на народот на Народна Република Кина, кои, како што рече, се нашите најголеми поддржувачи во делот на менаџирање на ковид кризата.

– Уште во текот на минатата година и во текот на оваа година најпрво со помош од 30 илјади долари за лична заштитна опрема, понатаму 100 илјади долари наменети за набавка на лекот Фавипиравир, и сега оваа последна многу значајна помош од медицинска опрема која се користеше за да се пренаменат различни одделенија тука во Клиничкиот центар во ковид центри, опрема без која немаше да може да се третираат овие пациенти, за тоа сакам да упатам голема благодарност, изјави Филипче.

Би можело да ве интересира

54 нови случаи на Ковид-19, нема починати

Ана Ололовска

Во пораст бројот на заболени од Ковид-19, можни рестрикции за невакцинираните

Ана Ололовска

47 нови случаи на Ковид-19, нема починати

Жарко Настоски

Апарат за испитувања на бубрези, тироидна жлезда, венска циркулација и малигни заболувања ставен во функција во болницата во Битола

Ана Ололовска

Ако епидемиолошката ситуација остане стабилна ќе има настава со физичко присуство

Ана Ололовска

Филипче: За конкретни мерки ќе разговараме подетално во август, имаме меѓу највисоките стапки на вакцинација во регионот

Ана Ололовска