Мобилната единица за безбедност во сообраќајот денеска спроведе засилена акциска контрола за санкционирање на возачи кои управуваaт возило со брзина поголема од пропишаната, на автопатот Скопје-Велес, при што санкционирани се 59 возачи.
Од МВР информираа дека од вкупниот број казнети, 33 возачи возеле со брзина од над 50 километри на час над пропишаната, а шест за дури над 70 километри на час над дозволената.
Засилените сообраќајни контроли продолжуваат и во наредните денови, најавуваат од МВР и апелираат до граѓаните да ги почитуваат сообраќајните правила и прописи за да ја зголемиме безбедноста во сообраќајот.