Девет вработени во МВР и 22 граѓански лица, биле санкционирани оти не платиле патарина. Полицајците ја злоупотребиле службената легитимација, а останатите на различни начини одбегнале да платат.
Како што соопшти МВР, Одделот за внатрешна контрола, криминалистички истраги и професионални стандарди во содејство со сообраќајната полиција и Државниот инспекторат за транспорт во петокот во периодот од 15 до 18 часот на дел од наплатните станици во Република Северна Македонија изврши контрола на возачи кои злоупотребуваат службени легитимации и т.н. флешери со цел одбегнување плаќање на надоместок за патарина.
Од страна на Државниот инпекторат за транспорт изречени се глоби во висина од 200 евра, а против полициските службеници кои ги злоупотребиле службените легитимации ќе биде поведена постапка за утврдување на дисциплинска одговорност.