Околу три илјади кавадарчани конечно добија вода за пиење откако претходно поради голем дефект во водоводниот систем три дена останаа без вода.
– Стануваше збор за голем дефект за кој беа неопходни големи земјени работи. Работевме напорно, максимално бевме ангажирани и најпосле го отстранивме дефектот, соопшти доцна синоќа раководителот на работната единица на Водовод и канализација при ЈП „Комуналец” од Кавадарци, Марјан Прескакулев.
Без вода беа жителите од високата зона на градот, како и селата Шивец и Возарци и комбинатот „Фени”.