Актуелната обвинителка од Гевгелија Катица Јанева, како што дознава А1он од партиски информации ќе ја понесе одговорната задача, заедно со тимот, за кој самата ќе одлучува, да се справи со жешкиот костен, аферата „Пуч“. Дознаваме дека договорот паднал рано утрово.
Се уште нема официјална потврда, а некои медиуми информираат дека тоа ќе биде личност од Правен факултет.
По цели 15 часа тешки разговори, претставниците на четирите партии, потписнички на Договорот од Пржино, постигнале договор за законската рамка за работата и функционирањето на Специјалниот јавен обвинител.
Веста дека е постигнат договор ја објави на Твитер и Антонио Милошоски, дел од преговарачкиот тим на ВМРО-ДПМНЕ.
„Постигнат договор, имаме обвинител“, напиша Милошоски
Паднаа во вода заложбите да се оди со измени на постојниот Закон . Во Собранието ќе се предложи „lex specialis“. Како што дознаваме.
Според договореното, Специјалниот обвинител самиот ќе одлучува за бројот на обвинителите, кои ќе имаат значајна улога во ефикасно расчистување на аферата „Пуч“ и прислушуваните материјали.
Рокот од Пржино ќе се испочитува, и денеска пратениците ќе гласаат за законот . Според најави од партиите ќе се гласа и за Специјалниот обвинител.