Вчера во Битола се случи еден немил настан. Имено, пред домот на активист од НВО секторот протестираше партиската испостава на ВМРО-ДПМНЕ, здружението ГДОМ, рече советникот во Советот на општина Битола од ЛДП, Александар Касапов .
– Со тоа се потврди дека ВМРО-ДПМНЕ е иста како Комунистичката партија на Северна Кореа. Секој оној што ќе зборува против градоначалникот Талески и функционери на ВМРО-ДПМНЕ, е жигосуван и обележуван. ЛДП најостро ги осудува ваквите настани, повикува во иднина ова да не се случува и истовремено, бараме од ВМРО-ДПМНЕ да престане да внесува раздор и поделби меѓу битолчани – рече тој.