Касами: Дојдено е времето ДУИ да оди во опозиција и да дојде нова политичка елита која ќе се грижи за интересите на граѓаните

Од:

Биљал Касами, лидерот на движењето Беса и носител на листата на коалицијата „Можеме“ за Шестата изборна единица, вечерва се обрати на собири во населбата Ново Маало во Гостивар и во селото Здуње. Во обраќањето пред сопартијците во Гостивар, Касами рече дека овие избори се важни, бидејќи како што нагласи со нив ќе се симне од власт политичка партија која изминативе години вршела големи злоупотреби.

– Сакаме да испратиме пораката дека е веќе дојдено време конечно ДУИ да оди во опозиција. Ова поради фактот што тие повеќе од 18 години успеаја да ги злоупотребат државните позиции во нивен личен интерес, во нивно лично збогатување и на членови на нивните фамилии. Затоа сега ја имате таа можност, со тоа што ќе гласате за бројот „3“, ќе гласате за движењето Беса и за коалицијата „Можеме“ и да донесете на власт една нова елита на политичари кои ќе се грижат за вашите интереси, ќе се грижат пред сè за вашето здравје, за вашата добра иднина. Ние ви гарантираме дека можеме да се грижиме за вашата економија и за вашите интереси, рече Касами.

На собирот во гостиварската населба Ново Маало, кој се одвиваше според пропишаните протоколи за заштита од ширење на корона вирусот, зборуваа и кандидатите за пратеници Фадиљ Зендели, Абдуш Демири, Фљорие Синани и шефот на изборниот штаб Џеваир Мифтари.

Би можело да ве интересира

Џафери ја напушти Инфективна, тој ќе ја води конститутивната седница

Ана Ололовска

Конститутивна седница на Собранието утре, партиски разговори за формирање влада

Ана Ололовска

Конститутивната седница на Собрание во вторник под посебни протоколи

Ана Ололовска

Али Ахмети: Се сретнавме со Биљал Касами, разговаравме за евроинтеграциите и реформите

А1он

„Форин Полиси“: Изборните резултати во С. Македонија се добра вест за ЕУ и САД

Ана Ололовска

Партиите „во низок старт“ за преговори за формирање нова влада

Ана Ололовска