Врз куќата на семејството Мемедови, во населбата трети реон во Делчево се урниса карпа и ја оштети.
Нема повредени лица, направена е материјална штета врз летната кујна, изграденна непосредно до куќата.
– Уривањето на карпата ме затекна на спиење. Очекувам помош од надлежните општински и државни органи во расчистувањето на дворот и санирањето на штетата, вели сопственичката на куќата Назмије Мемедова.
До уривањето на карпата дојде по завчерашните и вчерашните обилни врнежи од дожд во Делчевско, кои предизвикаа и зголемено ниво на водостојот на Брегалница и нејзините притоки.