Каракачанов сака да го купи отстранетиот споменик на Борис Сарафов

Партијата на Красимир Каракачанов, ВМРО сака да го купи отстранетиот споменик на Борис Сарафов напиша во пост на Фејсбук бугарскиот вицепремиер. Споменикот веќе четири години е отстранет од пред Министерството за надворешни работи во Скопје.

Во објавата која доаѓа по одлуката да биде сменето и името на улицата која го носеше името на Сарафов, Каракачанов за него вели дека бил бугарски офицер и еден од водачите на Илинденското востание.

„Откако пред извесно време тивко го отстранија и неговиот споменик, ова е втор јасен гест од страна на властите во Северна Македонија. Каква друга причина би имале да се срамат од Сарафов освен што е Бугарин?“ – пишува Каракачанов.

Уште еднаш апелирам до надлежните во Скопје: ВМРО е подготвена да го купи лично отстранетиот споменик на Борис Сарафов, кој до неодамна чекаше во дворот на леарницата во градот да биде стопен како старо железо“, објави меѓудругото Каракачанов на Фејсбук.