Евроамбасадорот во Македонија Самуел Жбогар денеска ќе престојува во Валандово како дел од активностите за кампањата „ЕУ за Вас“
Жбогар ќе има средба со градоначалникот на Валандово Николче Чурлиновски за реализацијата на проектот за квалитет на животот како предуслов за напредок и одржлив развој во пограничниот регион.
Проектот, во вредност од 800.000 евра, е финансиран од програмата за прекугранична соработка на Европската унија.
Амбасадорот Жбогар ќе го посети и Центарот за социјална работа од Валандово, којшто е реновиран со средства од Европската унија.
Целта на кампањата „ЕУ за Вас” е да ја подигне свеста и да ја информира јавноста за помошта на ЕУ во државава.