Македонското здружение за цистична фиброза и француското здружение за цистична фиброза Muco Mobile денеска почнуваат кампања за сензибилизација и подигнување на јавната свест за цистична фиброза, најчеста животно-загрозувачка ретка болест во Европа и Македонија.
На настанот, што ќе се одржи во ЕУ Инфо центарот ќе се обратат претседателката на македонското здружение за цистична фиброза Снежана Бојчин, директорот на новоформираниот Центар за цистична фиброза-Козле доктор Оливер Зафировски и Ивана Атанасовска, член на Здружението за цистична фиброза.
Снежана Бојчин ќе упати пораки за подобрување на третманот на болните од оваа болест.